Saga e puthjeve të Edi Ramës, nga të moshuarit e policët, tek biznesmenët dhe politikanët

Kryeministri i vendit Edi Rama e ka shfaqur dashurinë që ka për bashkëkombasit e tij, nëpërmjet puthjeve, ca me dhunë e ca pa dhunë.

Fasada e kryeministrit ka kapluar nga figurat e njohura tek fëmijët dhe të moshuarit.

Duke ndarë foto të tilla në rrjetet sociale Rama ka tentuar të manipulojë popullin, duke shfaqur “dashuri” dhe ‘mbështetje” për njerëzit.

I tillë ka qenë dhe rasti gjatë pandemisë që Rama ‘bërtiste’ duke bërë thirrje që qytetarët të vaksinoheshin. Madje dhe i detyroi këta të fundit që të merrnin dozat e vaksinave.

Për ta çuar deri në fund thirrjen e tij, Rama e ka demostruar me një foto të një moshuare të cilës i ka puthur duart.

Sagës së puthjeve të Ramës nuk i kanë shpëtuar as biznesmenat, sikurse është dhe biznesmeni Pllumb Salillari.

Dhe rasti më i freskët është ai i kryeministrit të Luksemburgut ku Rama e ka puthur para mediave botërore.

Më poshtë kemi përzgjedhur disa nga puthjet që Rama ka dhënë:

17 maj 2023, Rama puth në ballë kryeministrin e Luksemburgut

Kryeministri Edi Rama ka zhvilluar një vizitë në Rekjavik të Islandës, ku pritet të marrë pjesë në samitin e Këshillit të Evropës.

Ai është takuar me kryeministrin e Luksemburgut, Xavier Bettel.

Në takimin me Bettel, Rama i ngazëllyer nga malli e puth në ballë para gjithë mediave botërore.

22 prill 2023, “Dashuri” për fushatë elektorale, Rama puth një burrë në Kamëz

Fushata e ka bërë dhe më të dashur kryeministrin e vendit i cili dhe pse ishte operuar për heqjen e apandesitit e gjeti fuqinë për të dhuruar “shoë” në fushatën elektorale.

Rama në Kamëz mori nga turma një person, që sipas tij po bërtiste më shumë seç duhej. Më pas, po ky person merret nga kryeministri për të mbjellë pemë së bashku, e në fund merr edhe një puthje në ballë nga vetë Rama.

 

Duke mos e pritur, Rama u habit kur burri kthehet dhe e puth në faqe. Më pas, kreu i Qeverisë fshin fytyrën, veprim që tërhoqi jo pak vëmendje.

04 janar 2023, I moshuari e puth në ballë kryeministrin

Kryeministri Edi Rama ka organizuar më 4 janar një darkë në Pallatin e Brigadave me figurat e shquara të kulturës, artit dhe sportit.

Përmes një postimi në “Facebook”, Rama krah fotove ka shkruar se ka qenë një mbrëmje e veçantë me një grup pensionistësh të veçantë.

Në fotot e ndara nga Rama një i moshur e ka puthur në ballë Ramën.

23 gusht 2022, Edi Rama i puth duart atletes Luiza Gega

Në nder të Luiza Gegës është mbajtur një ceremoni nga qeveria si mirënjohje pasi u shpall kampione e Evropës në garën 3000 metra me pengesa në gusht të 2022.

Ajo është pritur nga qytetarë të shumtë në bulevard ndërkohë që e ka pritur edhe kryeministri Rama i cili i ka puthur duart atletes.

18 mars 2021, Rama puth 110 vjeçaren 

Kryeministri Edi Rama ka vizituar shtëpinë e nënë Zenepes, e cila është 110 vjeçe dhe ka marrë vaksinën kundër Covid-19.

Teksa i jep lulet, Rama heq maskën dhe e puth në dorë duke i thënë se janë të dy të vaksinuar, ndaj nuk ka rrezik infektimi.

25 dhjetor 2020, Rama puth në ballë biznesmenin Salillari

Kryeministri Rama filloi të puthë në ballë edhe biznesmenët.

Pasi inaguroi banesën e re të një familjeje në Petrel, pasi e vjetra u kthye në të pabanueshme pas tërmetit të 21 shtatorit i shoqëruar edhe nga biznesmeni Pëllumb Salillari, Rama nuk i kurseu falenderimet haptazi.

 Madje këtë radhë, pa përdorur fare fjalët, kryeministri i dha dorën Salillarit, teksa po uleshin në banesën e re dhe e puthi në ballë.

“Ooo, ku je more,”- tha Rama dhe u afrua e e puthi.

29 SHKURT 2020, Rama puth në ballë socialistin

Radhën për tu puthur nga Rama e ka pasur dhe një socialist i cili ishte 100-vjeç.

I ftuar special në ditën e dytë të Kongresit të PS-së që u mbajt në 2020, i moshuari ishte veterani më i vjetër socialist.

Në nisje të  fjalës së tij, kryeministrit i vendit, Edi Rama ka ftuar të shkojë pranë tij veteranin 100-vjeçar ku dhe nuk i ka rezistuar dot dhe e ka puthur në mes të ftuarve.

12 qershor 2019, Ramës i kthehen puthjet

 

 

Në historin e puthjeve, gjetëm një rast kur Rama është puthur.

Presidenti i KE-së është i njohur jo vetëm për shkak të postit të tij por edhe për shkak të gafave që bën nëpër takime dhe evente zyrtare.

Kështu edhe gjatë takimit në 2019 me kryeministrin Edi Rama në Bruksel.

Ndërsa po thoshte se zgjedhjet janë vendosur për në qershor dhe duhet të mbahen po atë muaj, Juncker tha në prill.

Në fund të konferencës së përbashkët për mediat, në vend të shtrëngonin duart, Juncker i është afruar Ramës për ta puthur.

22 nëntor 2018, Rama puth efektiven

Kryeministri Edi Rama ka puthur dhe efektiven Ina Muka, 24-vjeçaren, që humbi dy gishta, duke tentuar të largojë një kapsollë që iu hodh në kokë gjatë protestës së banorëve të Astirit në vitin 2018.

Rama aso kohe ka publikuar në llogarinë e tij në Instagram një foto ku shfaqet duke e puthur Mukën, ndërsa në videon e publikuar shihet kryeministri pranë saj.