Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Maxhorancës

Fasha 800 kWh qëndron deri në dhjetor, çfarë do të ndodhë me çmimin e energjisë

Politiko 16 Shtator 2022, 14:57

Fasha 800 kWh qëndron deri në dhjetor, çfarë do të

Ministrja e Energjisë dhe Infrastrukturës, Belinda Balluku, deklaroi se fasha 800 kWh do të jetë në fuqi deri në 31 Dhjetor, dhe më pas do të bëhet një rishikim për ta parë çmimin sipas kushteve.

Balluku tha se pas rishikimit do të vlerësohet në varësi të importeve nëse do të ulet çmimi apo do të hiqet përfundimisht fasha.

“Dua të nënvizoj një fakt të rëndësishëm, që ky çmim që do të kërkojë miratimin e nga ERE do të qëndrojë në fuqi deri në 31 Dhjetor, pasi në fund të Dhjetorit ne do të kemi mundësi ta rishikojmë çmimin sipas kushteve. Në rast se do të kemi më pak importe dhe me shpresë do të kemi kushte shumë më të mira hidrike, atëherë edhe çmimi i fashës 800 kilovat/orë do të ulet ndjeshëm apo edhe mund të heqim fashën në varësi të prodhimit vendas që do të kemi kjo është diçka shumë e rëndësishme që ne e ndajmë me qytetarët, pasi qytetarët duhet të kuptojnë që kjo është një situatë dinamike dhe ne jemi të detyruar të vëmë këtë fashë pasi kurrë nuk kemi qenë dakord për fashën, por është një masë për të kursyer”, tha ministrja Balluku.

Duke filluar nga 1 Tetori, të gjithë konsumatorët familjarë që shpenzojnë më shumë se 800 kilovat/orë energji elektrike në muaj, do të faturohen me vlerën e tregut.

Rritja e çmimit të energjisë për ata abonentë që shpenzojnë mbi 800 kWh do të prekë vetëm 4% të konsumatorëve familjarë. Këtë deklaroi ministrja e Infrastrukturës dhe Energjetikës Belinda Balluku një javë më parë, gjatë prezantimit të Paketës së re të Rezistencës Sociale.

Ndërsa 96% e abonentëve familjarë, sipas saj shpenzojnë më pak se 800 kWh, dhe nuk do të preken nga rritja e çmimit të energjisë elektrike.

 

Të fundit