Flash News

Nis protesta e 22-të kundër Ramës, mijëra qytetarë në shesh

Pas Koçekut ikën Spiropali? Socialistja sfidon hapur Ramën: PS duhet të vetëpastrohet

Aksident në Fushë Krujë–Laç, humb jetën drejtuesi i motoçikletës, shoferi i “Benz”-it shoqërohet në polici

“Albania is not for sale”, muret e Kryeministrisë ‘vishen’ me mesazhet e protestuesve

Video/ Braktisi PS-në, Marjana Koçeku i bashkohet protestës kundër Ramës

KRYESORE

Kur një fotografi arkivore vlen më shumë se postimi propagandistik i një kryeministri në panik

Politiko 21 Qershor 2026, 09:15

Kur një fotografi arkivore vlen më shumë se postimi

Përpjekja e kryeministrit Edi Rama për të diskredituar një nga zërat kritikë ndaj projektit të ndërhyrjes në zonën historike të Durrësit duket se është përplasur me fakte të pakundërshtueshme, duke i nxjerr në pah gënjeshtrënm, shkruan politiko.al.

Mbrëmjen e së shtunës, Rama publikoi në rrjetet sociale dy fotografi, duke akuzuar një protestuese të angazhuar në thirrjet ndaj diasporës për t'iu bashkuar protestave se është pronarja e një "shtese pa leje" brenda mureve të Kalasë së Durrësit. Kryeministri e cilësoi objektin si një "çiban" urban dhe pretendoi se ndërtesa do të shpronësohej në kuadër të projektit për "Rilindjen e Zonës Historike".

Por vetëm pak orë më vonë, ptretendimi i ngritur nga kreu i qeverisë u vu në pikëpyetje nga një fotografi arkivore e publikuar në rrjetet sociale, shkruan politiko.al. 

Sipas reagimit të qytetarit durrsak, një imazh i ruajtur në Arkivin Qendror Shtetëror të Filmit, i realizuar përpara vitit 1966, tregon qartë se objekti në fjalë ekzistonte në të njëjtën formë dekada më parë. Në sfond të fotografisë dallohen edhe ndërtesa të tjera që më vonë u shembën pas zbulimit të Amfiteatrit të Durrësit, çka shërben si element shtesë për të datuar pamjen.

"Fatkeqsisht në grackën e kryeministrit ranë dhe deputetët e Durrësit. Pamja e Arkivit Qendror Shtetëror të Filmit, e realizuar para vitit 1966, tregon qartë se objekti ishte ndërtuar në formën që ka edhe sot. Në sfond dallohen ndërtesat që më vonë i lanë vendin zbulimit të Amfiteatrit të Durrësit.
Edo përpara se të ndërsesh durrsakët njërin me tjetrin, do të ishte mirë të konsultoheshe me arkivat. Ato janë shumë më bindëse se propaganda", shkruan qytetari nga Durrësi, duke akuzuar kryeministrin se ka tentuar të manipulojë opinionin publik përmes sulmit personal ndaj një protestueseje.

Kur një fotografi arkivore vlen më shumë se postimi

 

 

Të fundit