Flash News

Protestuesit rreshtojnë atlete para Kryeministrisë si simbol i emigrimit

Elon Musk bëhet trilioneri i parë në botë

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Ditari i Opozitës

Berisha: Shqipëria nuk mund të quhet kurrë vend i zhvilluar me një fshat të prapambetur

Politiko 13 Qershor 2026, 18:03

Berisha: Shqipëria nuk mund të quhet kurrë vend i zhvilluar me

Kryetari i Partisë Demokratike, Sali Berisha, gjatë një takimi me fermerët në Cërrik, theksoi se Shqipëria nuk mund të konsiderohet vend i zhvilluar pa zhvillimin e zonave rurale.

Ai u ndal te investimet në infrastrukturën e fshatit dhe vaditje, duke kujtuar periudhën 2005–2013 si një fazë me investime të konsiderueshme në infrastrukturën rurale dhe duke akuzuar se më pas këto politika janë dobësuar.

Berisha nënvizoi se standardet e jetesës në fshat duhet të jenë të barabarta me ato në qytet, duke e konsideruar zhvillimin e zonave rurale kusht themelor për zhvillimin e vendit në tërësi. 

Berisha: Investime të mëdha me përparësi do të bëhen në infrastrukturën e zonës rurale dhe vaditjen.
Dua t'ju rikujtoj se në vitet 2005-2013 mbi 3 miliardë euro janë investuar në Shqipërinë rurale. Mbi 3 miliardë euro. Dhe përsëri duheshin të paktën dhe 2 miliardë për të përfunduar sistemin rrugor të saj.
Fshatrat duhet të kenë të njëjtën infrastrukturë si lagjet e qytetit.
Shqipëria s'do jetë kurrë vend i zhvilluar pa u realizuar standardet e lagjeve të qytetit në infrastrukturë për fshatrat e vendit. Jo që kjo nuk eci, por ju them është përkeqësuar në mënyrë dramatike.
Furnizimi me ujë në qytete. Pa le më, investimet në zonat rurale janë pothuaj inekzistente. Hoqi komunat. Ishte një goditje tmerrësisht e rëndë. Pse? Çfarë raporti kishim ne gjatë qeverisjes sonë me komunat?
Një raport të tillë, kryetarëve të komunave dhe këshillave të komunave u kërkonim të bënin projektet për rrugët, për kanalizimet, për kanalet, kurse fondin e garantonim ne si qeveri. Ju them se ky raport ishte jashtëzakonisht i frytshëm, i dobishëm.
Dhe ky raport bëri të mundur që në vend të ndërtohen 11300 kilometra rrugë nga të cilat 8000 e sa në Shqipërinë rurale. Të ndërtohen rreth 700 sisteme ujësjellësa, kanalizime. Të financohen 45 mijë plantacione të drurëve frutorë dhe mijëra hektarë sera.
Ne përsëri kthehemi.
Thashë dhe një herë, Shqipëria nuk mund të quhet kurrë vend i zhvilluar me një fshat të prapambetur. Në qoftë se fshati është i prapambetur, vendi është i prapambetur.
Le të ndërtojë sa të dojë rrokaqiej. Zhvillimin e tregon këtu, e tregon fshati, niveli i tij. Ndaj dhe ne zotohemi para jush se do ta kemi përparësi të madhe.

Të fundit