Flash News

SHBA hoqi sanksionin, Berisha: Ishte vendim i bazuar në lobimin korruptiv të Ramës dhe Soros

Operacioni i SPAK, zbardhen urdhër-arrestet e lëshuara; cilët janë personat e goditur?

SHBA hoqi “non gratën”, Berisha: Mirënjohje administratës Trump, u korrigjua një vendim i padrejtë

Goditet trafiku i drogës dhe pastrimi i parave, SPAK dhe policia ekzekutojnë disa masa sigurie

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Zhdukja e Eglant Koçit, dyshohet se makina me trupin e pajetë u transportua me karrotrec drejt Ibës

Politiko 12 Qershor 2026, 11:08

Zhdukja e Eglant Koçit, dyshohet se makina me trupin e pajetë u

Hetimet për zhdukjen e 34-vjeçarit Eglant Koçi kanë nxjerrë në dritë detaje të reja që mund të hedhin dritë mbi lëvizjet e autorit të dyshuar, Armand Shakaj, i shpallur në kërkim nga policia.

Sipas burimeve pranë grupit hetimor, ekzistojnë dyshime se Shakaj ka përdorur një karrotrec për të transportuar automjetin e tij drejt zonës së Ibës, në përpjekje për të shmangur kontrollet dhe për të fshehur gjurmët. Hetuesit dyshojnë se në automjet mund të ketë ndodhur edhe trupi i 34-vjeçarit.

Nga verifikimet e kamerave të sigurisë rezulton se lëvizja e mjetit është kryer më 6 qershor, ndërsa kontaktet e fundit të Koçit me familjarët datojnë më 4 qershor. Kjo ka ngritur dyshime se trupi i tij mund të jetë mbajtur për një kohë të caktuar brenda automjetit para se të transportohej.

Policia ka marrë në pyetje drejtuesin e karrotrecit, i cili ka deklaruar se mjetin e ka transportuar pranë një servisi në zonën e Ibës, pasi i ishte thënë se kishte pësuar defekt. Sipas dëshmisë së tij, ai nuk kishte dijeni për përmbajtjen e automjetit dhe më pas është larguar nga vendi.

Ndërkohë, në ambientet ku dyshohet se Koçi është mbajtur para zhdukjes janë gjetur gjurmë që dyshohet se lidhen me përdorimin e armëve, ndërsa ekspertët po presin rezultatet laboratorike për të përcaktuar natyrën e tyre.

Hetimet po përqendrohen paralelisht në dy drejtime: gjetjen e trupit të Eglant Koçit në disa zona të vendit dhe lokalizimin e Armand Shakajt, i cili vijon të jetë në arrati. Burime pranë hetimit bëjnë me dije se i dyshuari ka ndryshuar disa herë numrat e telefonit gjatë ditëve të fundit, çka konsiderohet si përpjekje për të shmangur gjurmimin nga autoritetet.

Të fundit