Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Diplomatët shqiptarë konfirmojnë emrat e 3 shteteve që mund të bllokojnë hapjen e negociatave

Politiko 20 Mars 2018, 21:57
Diplomatët shqiptarë konfirmojnë emrat e 3 shteteve që mund

Janë tre shtete që mund të vendosin veton dhe të bllokojnë hapjen e negociatave të Shqipërisë me Bashkimin Europian. Bëhet fjalë për Gjermaninë dhe Francën, dy vendet lider në BE, dhe për Hollandën, kryeministri së cilës ka shprehur sërish rezerva jo vetëm për Tiranën, por edhe për vendet e tjera të Ballkanit Perëndimor.

Është media amerikano-europiane, Politico.eu që citon diplomatët shqiptarë: “Diplomatët shqiptarë thonë se kanë identifikuar Francën dhe Gjermaninë, fuqitë më të mëdha të BE-së, dhe Hollandën, si vende që duhet të kenë me vete për të marrë vendim pozitiv nga Këshilli.”

Ky citim është publikuar brenda artikullit ku ndodhet edhe prononcimi i kryeministrit Edi Rama.

Më 30 janar, Politiko.al publikoi një artikull ku renditeshin 6 shtete potenciale për të vendosur veton ndaj Shqipërisë: Gjermania, Franca, Hollanda, Spanja, Belgjika dhe Danimarka. Danezët ishin të parët që dolën nga “grupi” duke dhënë mbështetje për hapjen e negociatave, ndërkohë që i njëjti miratim është dhënë sot edhe nga Belgjika, gjatë takimit të dy kryeministrave.

Përveç Gjermanisë, Francës dhe Hollandës, i paqartë mbetet pozicioni i Madridit ndaj Tiranës, por së fundmi spanjollët kanë hyrë në një kurs të ashpër përplasjesh me Prishtinën, duke kundërshtuar pjesëmarrjen e Kosovës në samitet dhe takimet e BE-së, ndërsa Shqipëria ka preferuar të qëndrojë në heshtje përballë kësaj situate.

Të fundit