Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Incident në Kolonjë, dhunohet kryebashkaku Erion Isai

Politiko 14 Maj 2023, 08:08

Incident në Kolonjë, dhunohet kryebashkaku Erion Isai

Pak minuta pas mesnate, në Kolonjë ka ndodhur një incident mes kryebashkiakut Erion Isai dhe disa personave të tjerë.

Konkretisht, në fshatin Qinam teksa Isai udhëtonte me mjet nën shoqërinë e disa personave të tjerë, është ndaluar nga personat në fjalë të cilët kanë thënë se Isai bashkë me stafin ishte duke kryer fushatë dhe duke shpërndarë para.

Mes të dyja palëve ka pasur tension, ndërsa personat kanë deklaruar se Isai i ka shtyrë dhe provokuar bashkë me truprojat e tij. Kjo ka bërë që njëri prej tyre, Esmeraldo Kacolli, të reagojë duke e qëlluar në fytyrë.

Pas ngjarjes, kryebashkiaku i Kolonjës ka denoncuar rastin, ndërsa ka pasur edhe një denoncim nga ana e Lumanit.

"Procedohet në gjendje të lirë edhe një shtetas tjetër, i përfshirë në konflikt, i cili pengoi me automjetin e tij, lëvizjen e automjetit me të cilin udhëtonte kryetari i bashkisë.

Specialistët për Hetimin e Krimeve të Komisariatit të Policisë Kolonjë arrestuan në flagrancë shtetasin E. K., 33 vjeç, për veprën penale “Goditja për shkak të detyrës”, si dhe referuan materialet në Prokurori ku filloi procedimi në gjendje të lirë për veprën penale “Pengimi i qarkullimit të mjeteve të transportit”, për shtetasin Xh. K., 34 vjeç, të dy banues në fshatin Qinam, Kolonjë.

Mbrëmjen e djeshme, në aksin rrugor “Korçë-Ersekë”, në afërsi të fshatit Qinam, shtetasi Xh. K., duke drejtuar automjetin tip “Ford”, i ka prerë rrugën automjetit me të cilin po udhëtonte kryetari i bashkisë Kolonjë, shtetasi E. I. (njëkohësisht dhe kandidat i PS-së për zgjedhjet vendore) dhe më pas kanë debatuar me fjalë me njëri-tjetrin. Në konflikt është përfshirë edhe shtetasi E. K., i cili e ka goditur me grusht në fytyrë, kryetarin e bashkisë Kolonjë.

Të gjitha veprimet procedurale për këtë rast janë kryer në drejtimin e Prokurorisë.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme", njofton policia.

Të fundit