Shpërthimi pranë Ambasadës Amerikane në Tiranë, i riu u plagos duke montuar mina në celular

Del në dritë një detaj i fortë lidhur me ngjarjen e ditës së sotme, ku një person u plagos në ambientet e një dyqani celularësh pranë Ambasadës Amerikane në Tiranë.

Sipas “news 24”, i riu Gentian Hoxha mbeti i plagosur pasi po montonte një minë në celular. Si pasojë e pakujdesisë, mina i ka shpërthyer në dorë dhe 34-vjeçari mësohet se ka humbur gishtat. Po ashtu, dyshimet janë shtuar edhe më shumë prej faktit se në momentin e shpërthimit, dera e dyqanit ishte e mbyllur nga brenda me çelës. Aktualisht, i riu ndodhet i shtruar në spitalin e Traumës edhe me dëmtime të shumta në fytyrë. Policia ka nisur hetimet për zbardhjen e ngjarjes.