Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazetarja ‘gozhdon’ Bushatin nga Brukseli për Tahirin dhe drogën: Si përgjigjet ministri dhe Mogherini

Politiko 15 Nëntor 2017, 11:55

Gazetarja ‘gozhdon’ Bushatin nga Brukseli për Tahirin dhe

Ministri për Evropën dhe Punët e Jashtme Ditmir Bushati dhe Përfaqësuesja e Lartë e BE-së për Punët e Jashtme dhe Politikat e Sigurisë zv.Presidentja e Komisionit, Federica Mogherini janë vënë përballë pyetjeve të gazetarëve në Bruksel, ku po zhvillohen punimet e Këshillit të Stabilizim Asocimit mes Shqipërisë dhe BE-së.

Në një konferencë për shtyp gazetarja Erisa Zykaj ka pyetur Bushatin dhe Mogherini-n për Raportin e Katanias për drogën në Shqipëri, për implikimin e ish-ministrit Tahiri, raportin e komisionerit Hahn dhe vetingun.

Mogherini u shpreh se nuk komenton për çështjet që janë akoma në hetim. Po ashtu çështjes së Tahirit i'u shmang dhe Bushati, i cili u shpreh se prokuroria po heton, dhe se duhet të bëjmë durim.

Mogherini: Siç e thashë dhe vitin e kaluar, kultivimi i drogës duhet të trajtohet në mënyrë serioze. Siç e nxorri në pah ministri dhe siç jemi në diijeni agjencitë ligjzbatuese po bashkëpunojnë, dhe është rregulli im i artë, nuk është korrekte të komentoj për hetimet, për punën e një gjyqsori.

E respektoj punën e gjyqsorit për ta vendosur në qendër të një komenti politik, por ajo që them që kultivimi i drogës është një element jetik.

Duhet të shohim rezultate të qarta sepse ky është një kusht i BE-së. Është përgjegjshmëri e shoqërisë dhe problem që duhet të zgjidhet nga gjithë vendi dhe duhet të tregohemi të vendosur, transparent, në bashkëpunim me vendet e tjera dhe për të patur rezultate konkrete. Ka patur progres dhe dua të vazhdojë.

Bushati: Besoj se është e shëndetshme që faktet të ndahen nga komentet. Në lidhje me proceset e vetingut më lini t’ju informoj se Shqipëria është vendi i parë në rajon siç është trupa e monitorimit ndërkombëtar që ndihmon të gjithë kandidatët që kalonë në këtë proces.

Duke u inspiruar nga ky proces, kryeministri ka vendosur që trupa policore të kaloj në procesin e vetingut. Përsa i përket komisionerit Hahn, nevojës për një konsolidim arritjesh dhe rastesh në lidhje me politikanë, njerëz që janë apo shkelin ligjin, kjo është një nevojë që nuk imponohet nga thirrja e partnerëve eurpoianë, por nevojë e brendshme e Shqipërisë.

A jemi ne të kënaqur me rezultatet në këtë fushë? Jo nuk jemi, kemi deputetë, guvernatori i bankës, kryebashkiakë… por ne kemi marrë një vendim për të mos u krahasuar me vendet e tjera.

Së treti; më vjen keq që ju iu referuat keq investigimit të Katanjas, për faktet në tryezë. Përgjigja që ka ardhur nga mazhoranca ka qenë shumë e qartë. I jemi përgjigjur kërkesës së prokurorisë sonë për të ndjekur hetmin, ne i kemi hequr imunitetin, çka i ka dhënë mundësi prokurorisë të hetojë, kontrollojë banesën…etj, dhe për të qënë në dispozicion të hetimeve. Bëni durim. Prokuroria dhe gjyqësori nuk do të jenë një levë e politikës, e ka thënë Rama dhe po e përsëris dhe unë që qëndrimi ynë do të jetë në këtë pikë.