Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dhuna në emision, Lëvizja Vetëvendosje kërkon qetësi por nuk kursen akuzat ndaj Zekës

Politiko 30 Shtator 2017, 08:49
Dhuna në emision, Lëvizja Vetëvendosje kërkon qetësi

Partia Lëvizja Vetëvendosje ka reaguar për sherrin në studion e Klan Kosovës midis deputetit të saj, Frashër Krasniqi dhe deputetit të Nismës, Milaim Zeka.

Në reagimin e VV-së hidhen akuza ndaj Zekës si provokues dhe ofendues, ndërsa mohohet që partia të ketë patur dijeni se kush deputet do të vendosej përballë Krasniqi. Ajo kërkon nga palët e përfshira në konflikt që të tregojnë qetësi dhe të veprojnë me mendje të kthjellët.

Reagimi:

Është tepër e vështirë edhe të fillosh të debatosh me Milaim Zekën, pasi ai nuk flet me gjuhën e argumenteve, por me fyerjen dhe shpifjen e gjuhës së dhunës së pushtetit. Sot, Frashër Krasniqit iu bë e pamundur të diskutojë me Milaim Zekën në Klan Kosova për shkak të akuzave të rënda e shpifjeve nga më të ulta. Frashër Krasniqi dhe Lëvizja Vetëvendosje nuk kanë qenë të njoftuara me kohë se kush do të ishte bashkëbiseduesi, sipas standardeve profesionale të cilat praktikohen gjatë organizimit të emisioneve të tilla të debateve TV. Prandaj është krejtësisht manipulative shpifja e fundit e Milaim Zekës, se Frashër Krasniqi ka vajtur në emision për t’u përleshur me të.

Megjithatë, Lëvizja Vetëvendosje shpreh keqardhjen për atë që ka ndodhur në emision dhe i bën thirrje të gjithëve për qetësi e mendje të kthjellët.

Nga ana tjetër, me të njëjtën gjuhë represive ka folur së fundmi për këtë ngjarje edhe Qeveria e Republikës së Kosovës. Dhuna verbale e pushtetit në Kosovë ndaj aktivistëve të Lëvizjes Vetëvendosje ka qenë përherë pararendëse e dhunës përmes represionit policor. Ky lloj represioni është në frymën e çdo regjimi autoritar të cilit i janë lëkundur themelet njëherë e mirë.

Të fundit